بصمتي في طبختيCheese cake my food favorite

عـــــــــــ   25من العطاء   ـــــــام








مساااااااااااء النووووووووور والسرووووووور لحبايبي الحلوين


صراحة حبيت أحط موضوعي اليوم عن طبخه لأول مره اسويها ومرررره احبها
وهي بمناسبة أني كبرت شويتين وصار عمري ربع قرن  فقلت عيب يابت كبرتي وماذوقتي حبايبك من  طبخ ايديك .

طيب نبدأ في طبختنا لهذا اليوم

وهي

( شيز كيك  Cheese cake )

المقادير كما في الصورة

كيسين دريم ويب

قشطتين

علبتين جلي وحدة بطعم المنجو والثانية بنكهة الفراولة

علبتين لبنة المفروض يكون فيلاديلفيا بس ما لقيت

علبة توت أزرق blue berry

اما الطبقة الأساسية مقاديرها

3 علب بسكوت ماري

وزبدة

طيب نبدأ بالطبقة الاساسية

نكسر البسكوت ونسيح الزبدة عليها ونخلطها الى ان تتماسك

وبعدين نبدأ نكبس البسكوت

طبطب وليِّس يطلع كويس



بعدين نحط الجلي في صحن ونصب عليه ثلاث ارباع كوب موية حارة

ودحين ناخذ نص  المقادير ونحطها في الخلاط

الي هي قشطة وكيس دريم ويب وعلبة جلي وعلبة اللبنة

ونخلطها ونحطها فوق البسكوت وبعدين ندخل الطبخة في الفريزر

وبعد ما تجمد  نخرجها ، ونسوي نفس الحركة في بقية المقادير

ونحطها فوق الطبقة الأولى وندخلها الفريزر مرة تانية عشان تجمد الطبقة التانية

وبعد ما تجمد نحط فوقها البلو بري

وتصير زي الي في الصورة

ايش رايكم بس بالله ما شهيتكم

وعلى فكرة عشان ما انسى راح أهدي اهداء خاص لشخص هو الوحيد

الي لاحظ يوم ميلادي وذكرني به  وخلاني اروح افتح التقويم واأتاكد

لك مني كل التقدير والاحترام 

وكل سنة وانت سالم من كل شر ومكروه 

وطبعا أشكر مرت عمي الغالية لأنها أرسلت لي مقادير الطبخه  بالايميل .

وصراحه بسببك شهيتيني وخليتيني اقوم واسويها .

وعاد لا تحرمينا من ايميلاتك و لك مني كل الود والاحترام

 

ااوووووو وي   استروا  ما واجهتوا
طلعت الكيكة سايحة شويتين المفروض تكون جامدة وتبان طبقاتها
يلا  اهم شي جات معايا تمام

وبالهنا والعافية على قلبكم