بصمتي في غرفتي My Room

ايش رايكم اوريكم غرفتي المتواضعة

بس للاسف ما صورت من جميع الزوايا

ترى التصوير ماشي حالو واستروا ما واجهتو

^_^

هذه غرفتي قبل التعديل

والان بدأ التنفيذ

هذه علبة الكهرباء كانت مكشوفة فاشتريت الغطا عشان اغطيه واضرب عليه البويا

هنا قاعده احط معجون واصنفر الجدر لأنو دي الجهة من الجدر عدمتها موية المطرة

نوعية البويا بلاستيك (فينوماستيك) الميزة ا لحلوة الي فيه  انو لو اتوسخ الجدار نقدر نمسحو بموية

لأنو مو كل بويا بلاستيك نقدر نمسحو لو اتبقع فيه شي .

هذه من الالوان المفضلة عندي

تقريبا كدا خلصت من البويا  بس باقي لي  رسم الدوائر

هنا بدأت ارسم الدوائر طبعا اول شي ارسمو بالفرجال بعدين ألونو

وكمان سويت دمج بالالوان حتى يطلعلي اللون البرتقالي

وهذه الغرفة بعد ما انتهيت منها

طبعا بعد ما رحنا السوق واشترينا الأثاث

هذا باب غرفتي

اما دي الستارة رحت السوق واشتريت القماش وبعدين خيطتها وعلقتها يعني الشغل

كلوا    Made in KSA

هذه الصوفا تتحول لسرير

المكتبة دي صممتها واخترت الالوان وبعدين وديتها عند الرجال وفصلها حسب ما رسمتلوا هي

يلا قولولي ايش رايكم في عزبتي

^_^

وانا منتظرتكم عشان نقلبها فلللللللللللللللله